Para celebrar o Samaín, a biblioteca organiza un concurso de marcapáxinas. Os vosos separadores serán expostos na biblioteca e publicados no blog.
O tema é o Samaín: debuxos e lemas relacionados. Valorarase a imaxinación e a orixinalidade.
BASES
- Poderá participar o alumnado de 1º e 2º da ESO.
- Cada participante poderá presentar un só traballo, en branco e negro ou en cor. Podes recoller o cartón na biblioteca ou facelo ti mesmo con estas dimensións 5x18cm.
- Os separadores entregaranse ao persoal da biblioteca co número de lector (será o identificador dos participantes).
- Os marcapáxinas serán recollidos ata o día 5 de novembro.
